ಆಮಿರ್ ಖಾನ್ ಅವರು ಚಿತ್ರಗಳ ಆಯ್ಕೆಯಲ್ಲಿ ಹೆಚ್ಚಿನ ಎಚ್ಚರಿಕೆ ವಹಿಸುತ್ತಿದ್ದಾರೆ, ಏಕೆಂದರೆ ಇತ್ತೀಚಿನ ವರ್ಷಗಳಲ್ಲಿ ಅವರ ಚಿತ್ರಗಳು ನಿರೀಕ್ಷಿತ ಮಟ್ಟದ ಕಲೆಕ್ಷನ್ ಮಾಡುವಲ್ಲಿ ಯಶಸ್ವಿಯಾಗಿಲ್ಲ. ಪ್ರಸ್ತುತ ಅವರು 'ಸಿತಾರೆ ಜಮೀನ್ ಪರ್' ಚಿತ್ರದ ಕೆಲಸಗಳಲ್ಲಿ ನಿರತರಾಗಿದ್ದು, ಜೊತೆಗೆ 'ಕೂಲಿ' ಚಿತ್ರದಲ್ಲಿಯೂ ಅವರ ಪಾತ್ರದ ಬಗ್ಗೆ ಗುಸುಗುಸು ಮಾತುಗಳಿವೆ.
ಈಗಾಗಲೇ 1995ರಲ್ಲಿ ಬಿಡುಗಡೆಯಾದ 'ಆತಂಕ್ ಹಿ ಆತಂಕ್' ಚಿತ್ರದಲ್ಲಿ ಆಮಿರ್ ಖಾನ್ ಮತ್ತು ರಜನಿಕಾಂತ್ ಒಟ್ಟಿಗೆ ನಟಿಸಿದ್ದು, ಆ ಚಿತ್ರ ಯಶಸ್ವಿಯಾಗಿಲ್ಲ. 30 ವರ್ಷಗಳ ನಂತರ ಇವರಿಬ್ಬರು ಮತ್ತೊಮ್ಮೆ ಒಟ್ಟಿಗೆ ಚಿತ್ರ ಮಾಡುವ ಸಾಧ್ಯತೆಯ ಸುದ್ದಿ ಅಭಿಮಾನಿಗಳನ್ನು ಉತ್ಸಾಹಕ್ಕೆ ತಂದಿದೆ.
ಆದರೆ, ಆಮಿರ್ ಖಾನ್ ಮತ್ತು ರಜನಿಕಾಂತ್ ಒಂದೇ ಚಿತ್ರದಲ್ಲಿ ನಟಿಸುವ ಬಗ್ಗೆ ನಿರ್ಮಾಣ ಸಂಸ್ಥೆಯಿಂದ ಅಧಿಕೃತ ಘೋಷಣೆ ಹೊರಬಂದಿಲ್ಲ. ಪ್ರಸ್ತುತ ಎಲ್ಲಾ ಅಂತೆ-ಕಂತೆಗಳ ಹಂತದಲ್ಲೇ ಇದೆ. ಜೊತೆಗೆ, ಆಮಿರ್ ಖಾನ್ ಅವರ ಮುಂದಿನ ಚಿತ್ರಕ್ಕೆ ಲೋಕೇಶ್ ಕನಗರಾಜ್ ನಿರ್ದೇಶನ ಮಾಡುತ್ತಾರೆಯೇ ಎಂಬುದರ ಬಗ್ಗೆ ಗಾಸಿಪ್ ಹರಿದಾಡುತ್ತಿದೆ. ಈ ಮೂಲಕ ಲೋಕೇಶ್ ಕನಗರಾಜ್ ಅವರು ಬಾಲಿವುಡ್‌ಗೆ ಪ್ರವೇಶಿಸಬಹುದು ಎಂದು ಹೇಳಲಾಗುತ್ತಿದೆ.
'ಕೂಲಿ' ಮಾತ್ರವಲ್ಲ, ರಜನಿಕಾಂತ್ ಅವರ ಮತ್ತೊಂದು ಬಹುತಾರಾಗಣವಿರುವ 'ವೆಟ್ಟಯ್ಯನ್' ಚಿತ್ರದಲ್ಲೂ ಅಮಿತಾಭ್ ಬಚ್ಚನ್, ಫಹಾದ್ ಫಾಸಿಲ್, ಮಂಜು ವಾರಿಯರ್, ರಾಣಾ ದಗ್ಗುಬಾಟಿ ಮೊದಲಾದವರು ನಟಿಸುತ್ತಿದ್ದು, ಈ ಚಿತ್ರವೂ ದೊಡ್ಡ ಪ್ರಮಾಣದಲ್ಲಿ ಹೈಪ್ ಅನ್ನು ಉಂಟುಮಾಡಿದೆ.
0 ಕಾಮೆಂಟ್‌ಗಳು