ಬಾಲಿವುಡ್ನ ಯಶಸ್ವಿ ಫ್ರಾಂಚೈಸ್ಗಳಲ್ಲಿ ‘ಬಾಘಿ’ ಕೂಡ ಒಂದು. ಈ ಸರಣಿಯಲ್ಲಿ ಮೊದಲೆರಡು ಸಿನಿಮಾಗಳು ದೊಡ್ಡ ಮಟ್ಟದಲ್ಲಿ ಹಿಟ್ ಆದರೆ, ‘ಬಾಘಿ 3 ವಿಮರ್ಶೆಯಲ್ಲಿ ಸೋತಿತ್ತು. ಆದರೆ ಗಳಿಕೆ ಉತ್ತಮವಾಗಿಯೇ ಆಗಿತ್ತು. ಈಗ ಇದೇ ಹುಮ್ಮಸ್ಸಲ್ಲಿ ಸಾಜಿದ್ ನಾಡಿಯಾದ್ವಾಲಾ ಅವರು ಈ ಸರಣಿಯಲ್ಲಿ ನಾಲ್ಕನೇ ಸಿನಿಮಾ ಮಾಡುತ್ತಿದ್ದಾರೆ. ಇದಕ್ಕೆ ಹರ್ಷ ಅವರ ನಿರ್ದೇಶನ ಇರಲಿದೆ ಅನ್ನೋದು ವಿಶೇಷ.
2007ರಲ್ಲಿ ರಿಲೀಸ್ ಆದ ‘ಗೆಳೆಯ’ ಸಿನಿಮಾ ಮೂಲಕ ನಿರ್ದೇಶನ ಆರಂಭಿಸಿದವರು ಹರ್ಷ. ಆ ಬಳಿಕ ‘ಬಿರುಗಾಳಿ’, ‘ಚಿಂಗಾರಿ’, ರೀತಿಯ ಚಿತ್ರ ಮಾಡಿದರು. 2013ರಲ್ಲಿ ಶಿವರಾಜ್ಕುಮಾರ್ ಜೊತೆ ‘ಭಜರಂಗಿ’ ಸಿನಿಮಾ ಮಾಡಿ ದೊಡ್ಡ ಗೆಲುವು ಕಂಡರು. ‘ವಜ್ರಕಾಯ’, ‘ಅಂಜನೀ ಪುತ್ರ’, ‘ಭಜರಂಗಿ 2’, ‘ವೇದ’ ರೀತಿಯ ಸಿನಿಮಾನ ಅವರು ನಿರ್ದೇಶನ ಮಾಡಿದ್ದಾರೆ.
0 ಕಾಮೆಂಟ್‌ಗಳು