"ಆರ್ಟ್ ಪೆಸ್ಟ್ " ಚಿತ್ರಕಲಾ ಪ್ರದರ್ಶನ

 

ಶ್ರೀಮತಿ ಲಕ್ಷ್ಮಿ ದೇವಿ ನರಸಿಂಹ ಪೈ ವಿದ್ಯಾಲಯದಲ್ಲಿ ಶಾಲಾ ಚಿತ್ರಕಲಾ ಸಂಘದಿಂದ "ಆರ್ಟ್ ಪೆಸ್ಟ್ " ಚಿತ್ರಕಲಾ ಪ್ರದರ್ಶನ ಡಿ. 28 ರಂದು ನಡೆಯಿತು. 

ವಿದ್ಯಾರ್ಥಿಗಳಿಂದ ಮೂಡಿದ  ಶೇಡಿಂಗ್, ಪೇಂಟಿಂಗ್, ಡಿಸೈನ್, ಜಲ ವರ್ಣ, ಎಕ್ರಿಲಕ್ ಮಾದ್ಯಮ ಸೇರಿದಂತೆ ಹಲವಾರು ಕಲಾ ಪ್ರಕಾರದಲ್ಲಿ ನೂರಾರು ವರ್ಣರಂಜಿತ  ಚಿತ್ರ ಚಿತ್ತಾರಗಳು ಬಿತ್ತರಗೊಂಡವು. ಕೇವಲ ಚಿತ್ರ ಪ್ರದರ್ಶ‌ನ ಮಾತ್ರವಲ್ಲದೇ ರಂಗೋಲಿ, ಥರ್ಮಕೋಲ್ ಕಲಾಕೃತಿಗಳೂ ಪ್ರದರ್ಶನಕ್ಕಿಡಲಾಗಿತ್ತು. 

ಸಭಾ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಸಾಹಿತಿಗಳು ಶಿಕ್ಷಕರು ಆದಂತಹ ಲೈಲಾ ಪರ್ವಿನ್ ಬಸ್ರೂರು, , ವಿಠಲ ವಿದ್ಯಾ ಸಂಸ್ಥೆ ಯ ಪ್ರಾಂಶುಪಾಲರಾದ ಕಿರಣ್ ಕುಮಾರ್ ಬ್ರಹ್ಮಾವರ, ಬಂಟ್ವಾಳ ತಾಲೂಕು ಚಿತ್ರಕಲಾ ಸಂಘದ ಅದ್ಯಕ್ಷರು ಬಾಲಕೃಷ್ಣ ಶೆಟ್ಟಿ ಉಪಸ್ಥಿತರಿದ್ದರು.

ಕಾರ್ಯಕ್ರಮದಲ್ಲಿ ಶಾಲಾ ವಿದ್ಯಾರ್ಥಿನಿ ಕುಮಾರಿ ಭವಿತಾ ಬರೆದ "ಗೀಚು ಕವಿತೆ" ಕವನ ಪುಸ್ತಕವನ್ನು ಸಾಹಿತಿ, ಶಿಕ್ಷಕರು, ಮುಖ್ಯ ಅತಿಥಿಗಳಾದಂತಹ ಶ್ರೀಮತಿ ಲೈಲಾ ಪರ್ವಿನ್ ಬಸ್ರೂರು ಅನಾವರಣಗೊಳಿಸಿದರು. 

ವಿದ್ಯಾರ್ಥಿಗಳ ಸೇವಾ ಮನೋಭಾವನೆಯನದನ್ನು ಗುರುತಿಸಿ ಕ್ಯಾನ್ಸರ್ ಪೀಡಿತರಿಗೆ ಕೇಶದಾನ ಮಾಡಿದ ಶಾಲಾ ವಿದ್ಯಾರ್ಥಿನಿ ವೀಕ್ಷಾ, ಶ್ರವಣ ದೋಷದ ಮಕ್ಕಳಿಗೆ ಶ್ರವಣ ಸಾಧನ ಅಳವಡಿತ ಆಭರಣದ ತಯಾರಿಯಲ್ಲಿ ಗುರುತಿಸಿಕೊಂಡ ಶಾಲಾ ವಿದ್ಯಾರ್ಥಿನಿ ರಿಷಿಕಾ ಅವರನ್ನು ಸನ್ಮಾನಿಸಲಾಯಿತು. ವಿದ್ಯಾರ್ಥಿಗಳ ಇಂತಹ ಸೇವಾ ಮನೋಭಾವನೆ ಇತರರಿಗೂ ಮಾದರಿಯಾಗುವ  ಆಶಯದಿಂದ ಮಾಡಿದ ಕಾರ್ಯಕ್ರಮ ವಿದ್ಯಾರ್ಥಿಗಳು, ಪೋಷಕರ ಮನ ಮುಟ್ಟುವಂತಿತ್ತು.

ಕಲಾವಿದರು,ಚಿತ್ರಕಲಾ ಶಿಕ್ಷಕರಾದ ಯಶು ಸ್ನೇಹಗಿರಿ ಅವರ ಸಾರಥ್ಯದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮುಖ್ಯೋಪಾದ್ಯಾಯಿನಿ ಶ್ವೇತಾ ಕಾಮತ್, ಕಾರ್ಯದರ್ಶಿ ಗಳಾದ ನರೇಂದ್ರನಾಥ ಕುಡ್ವ, ಶಿಕ್ಷಕ, ಶಿಕ್ಷಕೇತರ ವೃಂದ, ವಿದ್ಯಾರ್ಥಿಗಳು ಪೋಷಕರು ಉಪಸ್ಥಿತರಿದ್ದರು.